Testu de la Petición

A LA XUNTA XENERAL DEL PRINCIPÁU D’ASTURIES

LES PERSONES EMBAXO FIRMANTES, al amparu del artículu 29 dela Constituciónespañola de 1978 que reconoz el drechu fundamental de pidimientu coleutivu, y acordies colo previsto pola Llei Orgánica 4/2001, de 12 de payares, SOLICITAMOS QUE, nel exerciciu de les sos competencies constitucionales, unvie ala Mesadel Congresu de los Diputaos una proposición pa la reforma de los artículos 87.3, 92 y 166 dela Constitucióndel xeitu que:

  1. Se supriman les lendes materiales que torguen l’exerciciu de la iniciativa llexislativa popular en materies propies de llei orgánica, tributaries o de calter internacional y no que cinca a la prerrogativa de gracia,
  2. El referendu previstu nel artículu 92, amás de sobre custiones polítiques d’especial trescendencia, puea tratar, talo y como contemplaba l’Anteproyeutu de Constitución, sobre les lleis votaes poles Cortes Xenerales y entá non sancionaes, y la derogación de lleis en puxu. Tamién que’l referéndum puea solicitase por 500.000 persones y que la resultancia seya venceyante si participó  na  votación la mayoría de quien tean drechu a faelo y si lu aprueben por mayoría de los votos emitíos afayadizamente,
  3. La ciudadanía puea, en númberu de 500.000 persones, promover la reforma dela Constitución.

Solicitamos que n’aprobándose esta reforma poles Cortes Xenerales se someta a referendu acordies colo previsto nel artículu 167 dela Constitución.

A lo cabero pidimos que la contestación a esti pidimentu s’inxere nel Diariu Oficial que correspuenda.

A efeutos d’eventuales notificaciones, solicítase que s’empobinen a Daniel de la Horra, Apartáu de correos 49, 33700,

L.luarca (Asturies)

Acordies cola Llei Orgánica 15/1999, de 13 d’avientu, de proteición de datos de calter personal, infórmase que los datos equí incluyíos nun s’empobinen a un ficheru organizáu y el so usu agótase na entrega de firmes pal exerciciu voluntariu y coleutivu del drechu de pidimientu promovíu polos Conceyos que la sofiten (https://porlademocraciadirecta.org/%C2%BFquienes-somos). Lo datos (nome, documentu identificativu, firma y nacionalidá) son los mínimos esixíos pola Llei Orgánica 4/2001, que regula’l drechu de pidimientu, y s’entregarán na Xunta Xeneral del Principáu como destinataria del pidimientu y que sedrá l’únicu terceru al que se cederán dichos datos. El responsable de la so custodia y entrega ye Daniel de la Horra, Apartáu de Correos 49, 33700, L.luarca (Asturies).